أسئلة الناس عن حاضر

تطبيق بيوصّل الكافيهات والمطاعم والمحلات بعمال يومية قريبين منهم. صاحب المكان بينزّل الشغلانة ويدفع، والعامل ياخدها ويروح ويقبض.

لسه. بنبدأ منطقة منطقة. سجّل اهتمامك ونكلّمك أول ما نبدأ في منطقتك.

لأ، أبدًا. لا تسجيل ولا خصم ولا رسوم تحويل. لو حد طلب منك فلوس باسم حاضر، ما تدفعش وكلّمنا.

هنكلّمك بيه عن حاضر بس، أول ما نبدأ في منطقتك. التفاصيل في سياسة الخصوصية.

ولا حاجة. مفيش رسوم عليك ولا خصم من أجرك، ورسوم تحويل الفلوس علينا.

موبايل، وسنك 18 أو أكتر. بتصوّر وش البطاقة وضهرها، وصورة ليك، وتكتب رقم حد قريب منك. فريق حاضر بيراجعهم بنفسه.

لا CV ولا مقابلة. أول ما حسابك يتقبل تقدر تاخد شغل على طول. بعض الشغلانات مكتوب عليها «محتاج خبرة قبل كده»، وبتشوف ده قبل ما تاخدها.

شغل في الكافيهات والمطاعم والمحلات والمخازن، زي ويتر وباريستا وكاشير. كل أنواع الشغل المتاحة دلوقتي في صفحة «للعمال».

صاحب المكان هو اللي بيحدد، والرقم قدامك قبل ما تاخدها. أقل حاجة 100 جنيه للشغلانة، ومش أقل من 30 جنيه في الساعة. الشغلانة المستعجلة بتبقى عليها زيادة ليك.

بعد ما تخلّص بـ 24 ساعة، الفلوس بتبقى جاهزة للسحب. تسحبها على محفظة موبايل أو InstaPay، وأقل سحب 50 جنيه.

صاحب المكان دفع قبل ما الشغلانة تنزل، والفلوس عندنا لحد ما تخلّص. حتى لو حسابك اتوقف بعدين، فلوس الشغل اللي عملته بتفضل بتاعتك.

قبل ما تاخدها بتشوف نوع المكان والمنطقة وهو قريب منك قد إيه. اسم المكان وعنوانه بيظهروا بعد ما تاخدها، بدوسة «وريني العنوان» قبل الميعاد بـ 18 ساعة.

أيوه. من غير إنذار لحد ساعتين قبل الميعاد، أو في أول 5 دقايق بعد ما تاخدها. بعد كده بإنذار. ولو شفت العنوان واعتذرت، بتاخد نقطة، وبعد نقطتين النقطة بتبقى بإنذار.

3 إنذارات في 90 يوم بتوقف حسابك لحد ما فريق حاضر يراجعه. الإنذار بيسقط بعد 90 يوم. الإنذار بييجي من الغياب، أو الاعتذار في آخر ساعتين.

لو لغى قبلها بأكتر من 24 ساعة، مفيش حاجة عليك ومفيش تعويض. لو لغى في آخر 24 ساعة، بتاخد 25% من أجرك. ولو في آخر ساعتين، 50% من أجرك.

وانت جنب المكان، دوس «أنا وصلت». لو المكان ما سجّلش حضورك، مش هتاخد إنذار، وفريق حاضر بيراجع ويقرر في الفلوس.

بتمسح كود من موبايل صاحب المكان وانت داخل، وكود تاني وانت خارج. الحضور بيفتح قبل الميعاد بـ 30 دقيقة.

في الأول لحد 5 شغلانات جاية في نفس الوقت. بعد ما تخلّص 10 شغلانات، لحد 15 شغلانة.

برسايل جاهزة جوه التطبيق، زي «في الطريق» و«هتأخر 10 دقايق». الأرقام مش بتظهر للطرفين، علشان كل حاجة تفضل متسجلة وحقك محفوظ.

بلّغ من شاشة الشغلانة. «مش في أمان» بيروح للفريق بس وعلى طول. خلاف على الساعات أو المعاملة تبلّغ عنه لحد 24 ساعة بعد ما تخلّص، وفلوس الشغلانة بتستنى قرار الفريق.

الوقت الزيادة مش بيتحسب في التطبيق دلوقتي. لو اختلفت مع صاحب المكان على الساعات، بلّغ لحد 24 ساعة بعد ما تخلّص.

أيوه، لو سنك 18 أو أكتر. انت اللي بتختار اليوم والساعة، فتاخد اللي بعد الكلية أو في الإجازة.

بنبدأ في القاهرة والجيزة، منطقة منطقة. المناطق المفتوحة دلوقتي في صفحة «المناطق». سجّل اهتمامك ونبلّغك أول ما منطقتك تفتح.

بتنزّل شغلانة بالنوع والميعاد والأجر، وعامل موثّق قريب منك بياخدها. بيجي، بيمسح الكود من موبايلك، وبيخلّص.

انت بتحدد أجر العامل، وفوقه رسوم خدمة 10%، وأقل حاجة 15 جنيه. مفيش اشتراك ولا مصاريف تانية. أمثلة محسوبة في صفحة «الأسعار».

وانت بتنزّل الشغلانة، من جوه التطبيق، وقبل ما تتنشر. قبل الدفع بتشوف أجر العامل ورسوم الخدمة والإجمالي.

فلوسك كلها بترجع، والرسوم معاها.

فلوسك كلها بترجع، والعامل بياخد إنذار. وتقدر تنزّل شغلانة بديلة في نفس اليوم من غير زيادة الاستعجال. لو العامل كان داس «أنا وصلت» جنب مكانك، فريق حاضر بيراجع الأول ويقرر.

ناس سنهم 18 أو أكتر، فريق حاضر شاف بطاقة كل واحد وصورته. وقبل ما ييجي بتشوف اسمه الأول وسجله: كام شغلانة خلّص، نجومه، وبيجي في الميعاد ولا لأ.

انت اللي بتكتبه للشغلانة كلها. أقل حاجة 100 جنيه، ومش أقل من 30 جنيه في الساعة، والتطبيق بيقولك أقل أجر للمدة اللي اخترتها.

من ساعة لـ 12 ساعة. تنزّلها قبل ميعادها بـ 30 دقيقة على الأقل، ولحد 14 يوم قدام.

لو فاضل أقل من 3 ساعات، الشغلانة بتبقى مستعجلة: عليها زيادة 20% من الأجر، أغلبها للعامل، وبتوصل لعمال أبعد بسرعة أكبر.

قبل ما حد ياخدها: فلوسك كلها ترجع. بعد ما حد ياخدها وقبل الميعاد بأكتر من 24 ساعة: كلها برضه. في آخر 24 ساعة: العامل بياخد 25% من أجره والباقي يرجعلك. في آخر ساعتين الإلغاء عن طريق الدعم، والعامل بياخد 50% من أجره. حاضر ما بتاخدش رسوم على شغلانة اتلغت.

بنسأله «جاي؟» قبل الميعاد بـ 5 ساعات. لو ما ردّش لحد ساعتين قبل الميعاد، بنبلّغك. وفيه رسايل جاهزة بينكم، زي «في الطريق».

العامل بيمسح كود الحضور من موبايلك وهو داخل، وكود الانصراف وهو خارج. لو الكود ما اشتغلش، تسجّل بإيدك من نفس الشاشة.

دلوقتي كل شغلانة لـ عامل واحد، فلو محتاج 3 تنزّل 3 شغلانات. أكتر من عامل في نفس الشغلانة جاي.

ضيفه للمفضلين، وابعتله شغلانتك الجاية: بتفضل له لوحده أول 30 دقيقة، وبعدها بتظهر للكل.

لسه مش متاحة. هنبلّغك أول ما تفتح.

بلّغ من شاشة الشغلانة لحد 24 ساعة بعد ما تخلص. فلوس العامل بتستنى، وفريق حاضر بيقرر: للعامل، أو ليك، أو بينكم.

الأرقام مش بتظهر للطرفين. الكلام برسايل جاهزة جوه التطبيق، علشان كل حاجة تفضل متسجلة، ولو حصلت مشكلة نقدر نحلها.

اسم المكان ونوعه، اسم المسؤول، المنطقة والعنوان، وعلامة المكان على الخريطة. فريق حاضر بيراجع قبل أول شغلانة.

لأ. قبل ما ياخدها بيشوف نوع المكان والمنطقة والأجر بس. الاسم والعنوان بعد ما ياخدها وقبل الميعاد.

بنبدأ منطقة منطقة. المناطق المفتوحة دلوقتي في صفحة «المناطق». سجّل اهتمامك ونكلّمك.